الرئيسية / اخبار الفن / نجوم الفن تساند شريف منير بعد التنمر على بناته
نجوم الفن تساند شريف منير بعد التنمر على بناته

نجوم الفن تساند شريف منير بعد التنمر على بناته

ساند نجوم الفن الفنان شريف منير بعد أن قام شريف منير بعرض صورة بناته كاميليا وفريدة على موقع “انستجرام” ، حيث تعاطف مع رواد موقع التواصل الاجتماعي وينضم نجوم الفن بشأن التنمر على بناته والاساءة له من احد الاشخاص ، قائل شريف منير مش هرحمك ، ويؤكدا مقاضاته امام القضاء.

View this post on Instagram

أنا إمبارح نزّلت صورة بناتي ( الصغيرين ) ولقيت تعليقات من ناس سافلة و مريضة .. جرحوني وجرحوا بناتي .. وتحت ضغط من بناتي ووالدتهم .. طلبوا منّي أمسح الصورة.. فمسحتها . لكن أنا نزّلتها تاني لإن شوية الهمج المتخلّفين دول مش هما إللي هيحددوا أنشر إيه و ما أنشُرش إيه .. و أي حد هيكون على أي صفحة تخُصّني .. لو تعدّى حدوده .. هتاخد الإجراء القانوني ضده .. إللي بيوصل للسجن أحياناً .

A post shared by Sherif Moneer (@sherifmoneerofficial) on

نجوم الفن المساندين للفنان شريف منير

قالت الفنانة كندة علوش زوجة عمرو يوسف قائلة”معاك يا شريف برافو على الخطوة العظيمة”، وكتب الفنان أحمد زاهر:” برافوووووو عليك يا استاذ كلنا معاك وهانعمل زيك بالضبط لحد ما الملايكة الطاهرين يتلموا “.

و نشرت الفنانة سوسن بدر، قائلة كلنا معاك ياشريف وضد أى تنمر بأى شكل وشكرا لشجاعتك وأنك أخدت الخطوة الأولى وربنا يخليك لاهل بيتك سند قوة”.

وكتبت إيمان العاصى لشريف منير ”  متضامنة معاك وشكرا ليك جدا علي الخطوة دي لأنك بتاخد حق بناتك القمرات دول وحقوقنا كلنا”.

وكتبت اصالة عبر حسابها على موقع التغريدات تويتر قائلة”كلّ محبّتي واحترامي للفنّان الرّاقي المُحترم #شريف_منير وتعاطفي الكبير مع بناته الغاليات.. رغم أنّني أيضاً أتعاطف مع أيّ مُسيء أو مُنتقد لأنّهم ضحايا أهل همّ أساس هذا الجهل والقسوه والتخلّف.. أنت أكبر منّ أنّ تستمع لتلك السخافات ، وبناتنا أقيمّ منّ أنّ يجرحهم فكر مريض.

 

 

وعلقت الفنانة نجلاء بدر قائلة”كامل الاحترام والتقدير لك ولإسرتك علمتنا درس واتاخرنا شوية بس خلاص كل واحد لازم يأخد حقه”

وكتبت انجي خطاب ايضا:”استاذنا في الفن وقدوة لينا في الأخلاق ونعم الفنان ونعم الأب لك مني كل الاحترام والتقدير وبرافو علي موقفك في رد حق بناتك وقطع لسان أي مريض يتطاول، واللي يتطاول نحبسه كمان زي ما قولت النائب العام هيحبس أي حد يغلط وانا بدعمك جدا يا فنان.

واضافت:” والاسكرين شوت تحبس أي حد يتطاول  كامل احترامي ليك يا نجمنا ياريت كل الفنانين يعملوا اسكرين شوت لأي حد مريض يتطاول عليهم عشان في إجراء قانوني دلوقتي يحبس المتنمرين السفلة دول”.

وتضامنت الفنانة رشا مهدي ، قائلا ” شريف منير قامة فنية مصرية وطنية. وزي ما كان طول عمره قدوة و مثل لفنانين كتير .. النهاردة بيكون قدوة و مثل لينا و لأي حد بيتعرض للإساءة و التنمر. كمل و كلنا معاك و كلنا بنحبك و بنحب بناتك القمرات ربنا يحفظهم”.

حيث ظهر شريف منير في مقطع فيديو وهو وسط بناته عبر موقع انستجرام ليوجه رسالة لمنتقديه والمتنمرين وقال شريف منير دول المذنبين، دول المتهمين، إلى عملوا المصيبة، إلى اذوا الناس، إلى اذوا الدين، لأن الناس إلى شتمونى ملائكة، بيكلمونى بالدين، البينتين الكبار أوى دول هما إلى اذوا الدنيا كلها، عموما بشكر كل الناس إلى وقفت جنبى، ودعمتنى ودعم أولادى.

وأضاف ايضا أنا بطلب من الناس إن يبقى فى وقفة قوية، يجوز إننا كنا نقطة تحول، لازم كلنا نبقى ايد واحدة، أى أذى يجيلك، أو أى تنمر يحصلك، متسكتوش، اعملوا بلاغ، الاهتمام غير طبيعى من السيد النائب العام، والناس فارق معاها جدا جدا، وعاوزين يساعدوا جدا جدا، لازم نحط حدود للناس الى بتمشيلنا حياتنا.

اقرا ايضا:

فيديو رد شريف منير وبناته على واقعة التنمر والاساءة

شريف منير عن التنمر على بناته كاميليا وفريدة مش هسيبك

شريف منير يعيد نشر صور بناته من جديد فريدة وكاميليا

وقال “دول بناتى إلى اتهانوا واتجرحوا علشان كنت فرحان بيهم، فا خدت على دماغى جامد، بس الرد هيبقي جامد أوي.

و رسالة فريدة ابنة شريف منير ورسالته قائلة”عاوزة أقول إن أنا اتهانت وأتاذيت وعاوزة حقى وحقى هيرجعلى إن شاء الله”، وقالت ابنته كاميليا: “ناس كتير شتمنى وشتمت ببايا، وأنا مبحبش حد يشتم بابا، وأنا عاوزة أخد حقي”، ليتختتم منير قائلاً: “وأى حد يتعرض لأذى أو إهانة هيجيله حقة لحد عنده، لإن احنا فى دولة قانون.

عن ahmed najeeb

شاهد أيضاً

مواعيد عرض مسلسل خيط حرير والقناة الناقلة والإعادة

أعلنت مواعيد العرض الخاصة بمسلسل خيط حرير للفنانة مي عز الدين ، حيث أن مواعيد …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *